Ferlir
FERLIR getur boðið hópum upp á skemmtilegar og áhugaverðar, stuttar eða langar, ferðir um Reykjanesið, hvort sem er um að ræða akstursferðir eða gönguferðir. Hér er dæmi um hugmynd af einni slíkri FERLIRsferð, sem stendur áhugasömu fólki til boða. Þá er og mögulegt að skoða og reyna hvaðafeina er getið er um í hinum ýmsu ferðalýsingum á vefsíðunni. Hægt er að leita nánari upplýsinga í www.ferlir@ferlir.is Hellaferð

Bálkahellir

Í Bálkahelli.

Boðið er upp á hellaferð. Ætlunin er að ganga spölkorn um gróið hraun (Fjárskjólshraun) og með brún nýrra hrauns (Eldborgarhrauns) og skoða síðan undirheima Reykjanessins, einn af á annað hundrað þekktra hraunhella á svæðinu. Sumir hellanna hafa verið notaðir sem skjól í gegnum aldir, s.s. Húshellir og Gullbringuhellir. Fé var haldið í sumum skjólanna og víða má sjá mannvistarleifar. Í hellaferðinni verður tækifærið notað til að fara yfir jarðfræðina og myndun hella, verðmæti þeirra, s.s. dropsteinar og hraunstrá, hraunrósir og hraunreipi verða skoðuð, litbrigðin útskýrð og lögð áhersla á mikilvægi þess að ganga vel um hellana. Gengið verður um hellinn og einstök tilbrigði hans tíunduð. Tilgreindur er upphafsstaður, tímalengd, ferðagjald, nauðsynlegur búnaður (ljós, hjálm/húfu, hanska og annað), gerð er grein fyrir mikilvægum varúðarráðstöfunum og að þátttakendur taki með sér nesti.