Þórkötlustaðanes

Um var að ræða menningargöngu á vegum Saltfiskseturs Íslands, Grindavíkurbæjar og Björgunarsveitarinnar Þorbjörns.
Frá göngunniAf því tilefni var ætlunin að afhjúpa nýtt örnefna- og söguskilti á Þorkötlustaðanesi.
Genginn var hringur á Nesinu frá skiltinu að rústum Þórshamars og fleiri húsa sem voru á Nesinu, spölkorn með ströndinni og horft yfir Þórkötlustaðasund þar sem fornkonan Þórkatla mælti svo fyrir, að á því sundi rétt förnu skyldi aldrei skip farast. Gengið verður að gömlu þurrkbyrgjunum í Strýthólahrauni og í áttina að vitanum. Ýmislegt var skoðað sem fyrir augu bar á leiðinni. M.a. var boðið upp á brim af bestu gerð.
Í lok göngu var boðið upp á afmæliskaffi hjá Björgunarsveitinni Þorbirni við Seljabót, en björgunarsveitin hefur bjargað 232 mannslífum frá stofnun. Þess má geta að jafnframt var um að ræða tólfhundruðustu gönguferð FERLIRs frá upphafi um fyrrum landnám Ingólfs – sem telja verður sögulega út frá þrautseigju á upprifjun gamalla heimilda og uppgötvun nýrra, áður óþekktra.
Örnefna- og sögukort á ÞórkötlustaðanesiÖrnefni á Þórkötlustaðanesi eru mörg og mannvistarleifar víða. Nesið varð til þegar hraun rann til sjávar undan Hagafelli. Heimildir segja að hraun þetta sé að einhverju leyti runnið eftir landnámsöld (sbr. Árb. Fornl.fél. 1903, 47), en aldursgreining á því hefur gefið til kynna að það hafi runnið fyrir um 8000 árum. Meginhraunstraumurinn var um Gjána, langa hrauntröð eftir miðju Nesinu. Upphafl ega hefur það verið mun stærra því sjórinn hefur brotið smám saman utan af því í árþúsundirnar. Vestasti hluti Nessins nefnist Hópsnes.
Eitt helsta auðkennið á svæðinu er Nesvitinn, sem reistur var árið 1928. Svæðið geymir fjölmargt annað, sem bæði má lesa um hér og sjá á meðfylgjandi uppdrætti.
Bryggjan úti í Járngerðarstaðahverfi var byggð á árunum 1931-1932. Hún var steypt með veggjum og þekju, grjótfyllt og hallaði í sjó fram. Náði endi hennar u.þ.b. einn metra út fyrir stórstraumsfjöruborð. Þrátt fyrir mikinn fögnuð Grindvíkinga með bryggjuna þótti hún of stutt. Árið 1933 var bryggjan lengd. Sama ár voru gerðar samskonar bryggjur í Þórkötlustaðahverfi og Staðahverfi.
Spil ofan við Nesvör
Sjósókn og útgerð
Minjarnar, sem eru ofan við Nesvörina (bryggjuna), eiga sér merka sögu mannlífs, atvinnuhátta; útgerðar og búskapar. Um er að ræða gamla þurrkgarða, þurrkbyrgi, fjárskjól, gerði og gamlar tóftir, auk fiskhúsa, ískofa, lifrabræðslu, saltþróa, vara, bryggju, grunna og veggi íbúðarhúsa, gólf beitningaskúra og innsiglingamerki frá fyrri hluta síðustu aldar.

Höfn og bátar í nausti ofan við Nesvörina - fiskskúrar millum

Á Þórkötlustaðanesinu voru þrjú íbúðarhús, sem enn má sjá leifar af; Arnarhvoll (nyrst), Höfn og Þórshamar (syðst). Húsin voru byggð í kringum 1930. Vöxtur útgerðar í Nesinu byrjaði á árunum 1927-28. Byggð voru fiskhús ofan við vörina. Að staðaldri voru gerðir út 12-14 bátar þegar mest var. Þeir voru m.a. frá Hrauni, Þórkötlustöðum, Klöpp, Buðlungu, Einlandi og öðrum Þórkötlustaðahverfisbæjum.
Aðalútgerðin stóð yfir frá miðjum febrúar og mars og síðan var vorvertíðin í maí. Sumir réru líka svo til allt árið, s.s. frá Hrauni, og þá á færi. Á sumrin var venjulega róið á minni bátum.
Útgerðarmennirnir uppi í hverfi og á Hrauni komu gangandi suður í Nes snemma á morgnana þegar gaf á sjó og fóru síðan fótgangandi heim aftur á kvöldin. Fólk kom víðar að á vertíð, jafnvel frá Vestjörðum. Vermennirnir bjuggu á viðkomandi bæjum. Í Höfn var t.a.m.um 25 manns þegar mest var.
Uppdráttur af svæðinu ofan við NesvörinaÁður lentu bátarnir í Nessvörinni og var fiskurinn þá áður seilaður á Bótinni, aflinn síðan dreginn í land og honum síðan skipt á skiptivellinum ofan við vörina. Hver varð síðan að bera sinn afla upp að skúrunum, sem voru í röðum ofan malarkambsins. Mörg handtökin voru við fiskinn eftir að honum hafði verið komið í land. Allur þorskur og ufsi var t.d. flattur og saltaður. Einnig var eitthvað um að fiskur væri þurrkaður þegar vel veiddist. Miklir þurrkgarðar eru beint upp af bryggjunni, svonefndir Hraunsgarðar.
Þegar steinbryggjan var byggð, um 70 metra löng og 10 metra breið, til að mæta vélvæðingu bátanna, var fiskinum kastað upp á bryggjuna og af henni upp á bíla. Lifrarbræðsla var byggð hér á árunum 1934-1935. Útveggirnir standa enn.
Ískofi á ÞórkötlustaðanesiÞegar snjóaði á vetrum hlupu menn út og veltu snjóboltum og rúlluðu inn í ískofana. Snjórinn var notaður í kæligeymslurnar. Þær voru tvöfaldir hólfaðir kassar. Hólfin, sem voru ca. 20 cm breið, voru fyllt af snjó og salti stráð í. Með því var hægt að halda bjóðum og beitu frosinni. Bætt var á snjó og salti eftir því sem bráðnaði.
Áður en bryggjan var byggð voru bátanir dregnir á land upp á kambinn norðan hennar. Þegar stokkarnir við bryggjuna voru byggðir um 1938-1939, skömmu áður en bryggjan var lengd, voru bátanir dregnir upp á þeim og raðað á kambinn ofan við þá. Spilið, sem enn sést, var notað til að draga bátana. Það var drifið með Ford-vél, sem var knúin bensíni. Vélarhúsið við spilið er nú horfið. Grunnurinn sést enn. Járnkengir framan við spilið voru til að stýra uppsetningunni. Þá var blökk hengd í hvern kenginn á eftir öðrum og bátanir dregnir upp eftir því sem þeir komu að landi.
Eftir að grafið hafði verið inn í Hópið í Járngerðarstaðahverfi árið 1939 og hafnargerð hófst þar innan við eftir 1944, voru flestir hættir að gera út frá Nesinu. Vegurinn náði fyrst að húsunum, en hestvagnsvegur var þá út að vita og síðan lengra til vesturs, að vörðunni Siggu.
Segja má að útgerðin hafi verið aflögð hér árið 1946. Íbúðarhúsið Höfn var flutt út í Járngerðarstaðahverfi árið eftir. Arnarhvoll var flutt þangað árið eftir. Það stendur nú að Arnarhrauni 2.
Örnefnakort á ÞórkötlustaðanesiAustan við Strýthólahraun má sjá tóftir og minjar í kringum Þórshamar, en útveggir hússins standa enn við Flæðitjörnina. Jóhann vitavörður bjó þar síðastur manna. Suðaustan við húsið er manngerður hóll. Hann virðist hafa verið fjárborg eða tóft, miklu eldri en minjar umhverfis. Sunnan við húsið er heillegt fjárgerði og fjárhústóft. Suðvestan við það eru minjar eina skrautblómagarðsins er þá var til í Grindavík. Eflaust hefur hann vakið mikið umtal og margar vangaveltur á þeim tíma er lífið snerist aðallega um þurrfisk og síðan saltfisk.
Fiskbyrgin og garðarnir fjölmörgu í Strýthólahrauni voru notaðir löngu fyrir tíð búsetu á Nesinu. Þar má enn sjá u.þ.b. 40 hlaðin þurrkbyrgi, líkum þeim er sjá má á Selatöngum og í Slokahrauni.
Mikil vegghleðsla var ofan við uppsátrið. Hún var hirt upp á vörubíla, líkt og margar hleðslur og garðar í og við Grindavík þegar verið var að gera bryggjuna í Hópinu. Við vegginn var hlaðinn djúpur brunnur, sem sjór var sóttur í fyrir fiskþvott. Nú er búið að hylja brunninn með möl.
Rekinn hefur löngum verið Þorkötlustaðabændum notadrjúgur. Örnefni á Nesinu gefa m.a. til kynna hvaða hluti strandarinnar tilheyrði hverjum þeirra.

Sjóslys og  björgun
Hér fyrr á öldum gátu sjómennirnir, sem fóru í róður að morgni, aldrei verið vissir um að komast heilir og höldnu að landi að kveldi. Mörg dæmi eru um það. Sem betur fer eru einnig mörg dæmi og merkar sagnir um mannbjörg eftir ófarir manna á hafi úti. Veður gat breyst snögglega. Stundum urðu sjómenn að bregða á það ráð að leita annað en ætlað var. Þannig gátu sjómenn frá Járngerðarstöðum oft treyst á var í Þórkötlustaðabótinni þegar þannig skipaðist veður í lofti.
Þann 24. mars 1916 fóru 24 árabátar í róður frá Grindavík að morgni. Óveður skall skyndilega á og komust bátsverjar fjögurra báta ekki að landi. Þeim var hins vegar öllum bjargað, 38 mönnum, af áhöfn kútters Esterar frá Reykjavík. Þurrkbyrgi í Strýthólahrauni

Þegar komið var með skipverja að landi þremur dögum síðar urðu miklir fagnaðarfundir í plássinu. Sumir segja það hafi verið mesti gleðidagur, sem Grindvíkingar hafi upplifað.
Árið 1940 lenti Aldan frá Vestmannaeyjum upp á skerjum á Hellinum, en svo nefnist klettahlein, sem gengur suðvestur úr Nesinu. Mannbjörg varð, og báturinn náðist út aftur.
Vélbáturinn Grindvíkingur GK 39 fórst utan við Nesið 18. janúar 1952. Fimm menn fórust.
Sjá má enn járnbrak úr Hrafni Sveinbjarnarsyni, sem strandaði þarna utan við 1988. Mannbjörg varð, en þegar reyna átti að ná bátunum út aftur gerði vonskuveður með þeim afleiðingum að bátinn tók í tvennt og sést brakið ofan  við kampinn.
Frá göngunniFlutningaskipið Mariane Danielsen fór upp á Hópsnesið í vonsku veðri eftir að hafa verið siglt út úr Grindavíkurhöfn þann 20. janúar 1989. Átta mönnum úr áhöfninni var bjargað í land með aðstoð þyrlu, en yfirmennirnir neituðu að yfirgefa skipið. Þeir voru síðan dregnir í land með björgunarstól daginn eftir.
Eldhamar GK 13 lenti uppi í grynningum þann 22. nóvember 1991. Sjórinn kastaði skipinu fram og til baka uns það steyptist með stefnið niður í djúpa gjá. Af sex skipverjum um borð komst einn lífs af. Þetta óhapp varð neðan við vitann á Nesinu.
Nokkrir bátar hafa strandað við Þórkötlustaðabótina, t.d. frönsk skúta um miðja 19. öld. Áhöfnin gat gengið í land og heim að Einlandi þar sem hún knúði dyra eftir að skipstjórinn hafði fallið í hlandforina framan við bæinn.
Austast í Bótinni varð enn eitt sjóslysið. Það var nóttina áður en Aldan rak upp í Nesið að vestanverðu að annan vélbát frá Vestmannaeyjum, Þuríði formann, rak upp í skerin. Ekki varð mannbjörg það sinnið.
Brak á HópsnesiGjafar VE 300 fórst fyrir utan Nesið 27. febrúar árið 1973. Tólf manna áhöfn var bjargað frá borði með aðstoð meðlima björgunarsveitarinnar Þorbjörns. Björgunarsveitin Þorbjörn var formlega stofnuð árið 1947. Saga sveitarinnar er samofin sjóbjörgunarsögu Grindavíkur, allt frá stofnun slysavarnardeildarinnar Þorbjörns árið 1930. Fáar björgunarsveitir á landinu hafa bjargað jafn mörgum sjómannslífum. 
Frábært veður. “Þegar veðrið er gott er það hvergi jafn gott og hér”, sagði Guðbergur Bergsson, rithöfundur. Þátttakendur voru rúmlega 80 talsins. Sjá svolítið meira um 1200.

Framangreindur texti og uppdráttur er byggður á örnefnalýsingum, Sögu Grindavíkur, eftir Jón Þ. Þór, Árbók Sögufélags Suðurnesja 1996-1997, og frásögnum Péturs Guðjónssonar frá Höfn sem og Lofts Jónssonar og Tómasar Þorvaldssonar.
Þórkötlustaðabót - Ísólfsskáli og Skála-Mælifell fjær

Ferlir

FERLIR-1100: Svínadalur – Möðruvallasel – Írafellssel

FERLIR-1101: Inngunnarstaðasel (Þórunnarsel) – Hrísakotssel

FERLIR-1102: Miðdalssel

FERLIR-1103: Seldalur sunnan Skálafells

FERLIR-1104: Selá – Seljadalur – Vindássel

FERLIR-1105: Kjálká – Selfjall – Selgil

FERLIR-1106: Langhóll – flugvélaflak

FERLIR-1107: Eyjadalur – Eyjasel

FERLIR-1108: Eilífsdalur – Eilífshaugur

FERLIR-1109: Botnsdalur – Arnesarhellir – Hvalvatn

FERLIR-1110: Nesstekkur – Bjarnastaðastekkur – Útvogsstekkur

FERLIR-1111: Hafnarfjörður – vísar að akvegagerð

FERLIR-1112: Æsustaðafjall – tóft

FERLIR-1113: Kleifarsel – Klængsel – Vallasel – Heiðarbæjarsel – Gamlasel – Nýjasel

FERLIR-1114: Tóustígur – upphaf

FERLIR-1115: Írafellssel

FERLIR-1116: Nýjasel

FERLIR-1117: Kleifarsel

FERLIR-1118: Másbúðarhólmi – Hvalsnes – Stafnes

FERLIR-1121: Jökulgil – flugvélaflak

FERLIR-1122: Ölfusvatn – Skinnhúfuhellir – fjárskjól – fjárborg

FERLIR-1123: Selmýri – Króksel

FERLIR-1124: Dyradalur – Marardalur – Engidalur

FERLIR-1125: Á flugi II

FERLIR-1126: Selsvellir

FERLIR-1127: Kárastaðir – Selgil – Skálabrekka – Selgil

FERLIR-1128: Grímastaðir – Múlakot

FERLIR-1129: Hrútargjárdyngja – Hrútagjá

FERLIR-1130: Þórkötlustaðahverfi – örnefna- og söguskilti

FERLIR-1131: Blikdalur – 9 tóftir

FERLIR-1132: Stapi – Kerlingarbúðir – letursteinn (1780)

FERLIR-1133: Eldborg – Mosar – skjól – Hálsagötur

FERLIR-1134: Bakkárholtssel – Sognasel – Gljúfursel – Öxnalækjarsel (Saurbæjarsel)

FERLIR-1135: Kerlingarbúðir – letursteinn (1780)

FERLIR-1136: Núpasel – Vallasel

FERLIR-1137: Núpastígur – Núpasel – Skógarvegur /Suðurferðavegur

FERLIR-1138: Þingvallahellar

FERLIR-1139: Einbúi

FERLIR-1140: Gapi – Hrauntúnsfjárhellir (Gaphæðaskjól)

FERLIR-1141: Klukkustígshóll – Torfustígur – Gapi – Gaphæðaskjól

FERLIR-1142: Grímastaðir – Múlakot – Litla-Hrauntún – Hrafnabjörg

FERLIR-1143: Kálfadalir – Víti – Æsubúðir – Deildarháls

FERLIR-1144: Flekkuvíkursel

FERLIR-1145: Flugvélaflök við Fagradalsfjall

FERLIR-1146: Gjábakkahellar

FERLIR-1147: Þórkötlustaðanes

FERLIR-1148: Þverárdalur – flugvélaflak

FERLIR-1149: Kerlingargil – Kista

FERLIR-1150: Tvíbollahraun – Elgurinn – Dauðadalahellar

FERLIR-1151: Garðstígur – Grófin – Garður.

FERLIR-1152: Mjöltunnuklif – Leggjabrjótshraun – Hraunssel

FERLIR-1153: Prestastígur (hinn forni)

FERLIR-1154: Golfvellir I – Hústóftir

FERLIR-1155: Núpshlíðarháls – landamerki

FERLIR-1156: Fjárborgin – Hellishólsskjól

FERLIR-1157: Húshólmi – Óbrennishólmi

FERLIR-1158: Stapinn

FERLIR-1159: Bláalónshringurinn

FERLIR-1160: Brennisteinsfjöll – brennisteinsnámur

FERLIR-1161: Eldvörp – stigaferð

FERLIR-1162: Dauðadalastígur

FERLIR-1163: Hrútargjárdyngjuhraun – hrauntröð – skúti

FERLIR-1164: Sandklofahellir

FERLIR-1165: Selalda

FERLIR-1166: Nýjahraun – hrauntröð

FERLIR-1167: Eldvörp – næstsíðasti sigurinn

FERLIR-1168: Ellefuhundruðogfimmtíu I

FERLIR-1169: Ellefuhundruðogfimmtíu II

FERLIR-1170: Miðdegishnúkur

FERLIR-1171: Ölkelduháls – Reykjadalur – Kattatjarnir – Þverárdalur

FERLIR-1172: Ölkelduháls – Reykjadalur – Hveragerði

FERLIR-1173: Kristjánsdalahorn – vatn – göt

FERLIR-1174: Arnarsetur – Skógfell – göt og gígar

FERLIR-1175: Hvalsnesleið

FERLIR-1176: Búrfell – Búrfellskot – Leirtjörn

FERLIR-1177: Seljadalsvegur – Búrfellskot – Nærsel – Þormóðsdalsgullnámur

FERLIR-1178: Nýjahraun (Kapelluhraun/Bruninn) – hrauntröð

FERLIR-1179: Silungapollur – gata

FERLIR-1180: Straumsselsstígur

FERLIR-1181: Skógargata

FERLIR-1182: Leiðarendi

FERLIR-1183: Hjartartröð

FERLIR-1184: Höfði – Höfðarás – hellar

FERLIR-1185: Seldalur – Tjarnhólar – Selskarð

FERLIR-1186: Þorlákshöfn – Keflavík – Viðarhellir – Nes

FERLIR-1187: Búrfellsgjá – Búrfell

FERLIR-1188: Hamarkotshamar

FERLIR-1189: Trönudalur – Möðruvallasel

FERLIR-1190: Flekkudalur

FERLIR-1191: Strandarhæð – Suðurfaragata

FERLIR-1192: Vigdísarvellir – Drumbdalastígur – Krýsuvík – Þórkötlustaðasel

FERLIR-1193: Breiðagerðisstígur ofanverður

FERLIR-1194: Grænhólsskúti

FERLIR-1195: Rjúpnahæð

FERLIR-1196: Breiðagerðisstígur neðanverður

FERLIR-1197: Fornasel – Auðnasel

FERLIR-1198: Krýsuvík – námusvæði – tóftir

FERLIR-1199: Sandakravegur

ATH: Á bak við hvert nafn er falinn GPS-punktur.

Minjar umhverfis Óttarstaðasel