Grindavík

Engar áreiðanlegar vísbendingar liggja fyrir um bæjarstæði Moldar-Gnúps, þess landnámsmanns er nam land, skv. Landnámu, í Grindavík. Ef vel er að gáð má þó sjá nokkrar vísbendingar þess efnis. Bent verður á þær hér – þangað til eitthvað annað bitastæðara kemur í ljós.

Hópsnes

Hópsnes – kort.

Við nákvæmari leitir að bæjarstæði Molar-Gnúps færumst alltaf nær og nær. Ljóst er að maðurinn átti þrjá sonu;  frumvarpið Gnúp, (Hafur) Björn og Þórð (Leggjanda). Hver og einn þeirra valdi sér bæjarstæði nálægt föður sínum. Vitað er að fjögur býli voru þá og þegar á fjórum stöðum í og við Grindavík; á Húsatóttum, á Járngerðarstöðum, á Hópi og á Þórkötlustöðum. Flestir hallast að því að Molda-Gnúpur hafi sjálfur búið á Járngerðarstöðum enda álitlegt höfuðbýli frá fornu fari. Haugur og bæjarhóll, sem þar voru lengi fram eftir öldum, voru því miður ruddir þegar núverandi hús voru byggð. Vesturbærinn var með beitaraðstöðu á Baðsvöllum, miðbærinn (Hóp) í Svartsengi og austurbærinn (Þórkötlustaðir) á Selsvöllum. Húsatóttir var með beitaraðstöðu inn við Þórðarfell. Þá er það a.m.k. komið að hluta. Þórður leggjandi bjó sem sagt á Húsatóttum.
Ef (G)Núpshlíðarhálsinn heitir eftir Gnúpi er líklegt að hann hafi búið á Þórkötlustöðum, enda Selsvellirnir undir hálsinum.
Skv. því má draga að því líkur að Hafur-Björn hafi búið á Hópi (Hofi).
Goðhús var á Hópi (Hofi). Þar er til gamall platti uppi á vegg með niðjatali Molda-Gnúps.
Við forkönnun á framangreindum stöðum kemur og einn annars staður til greina. Hann hefur ekki  áður verið skoðaður sem líklegur slíkur.

ÓSÁ tók saman.